粤剧文化资料

粤剧又叫大戏或者广东大戏，系揉合唱做念打、乐师配乐、戏台服饰、抽象形体等等嘅表演艺术。粤剧源自南戏，由明朝嘉靖年间开始喺广东、广西出现。粤剧每一个行当都有各自独特嘅服饰打扮。最初演出嘅语言系中原音韵，又叫做戏棚官话。到咗清朝末期，文化人为咗方便宣扬革命而把演唱语言改为粤语，等广州人更容易明白。粤剧名列于2006年5月20日公布嘅第一批518项国家级非物质文化遗产名录之内。行当:粤剧嘅行当原为「末」、「生」、「旦」、「净」、「丑」、「外」、「小」、「夫」、「贴」、「杂」嘅十大行当。后嚟被精简为六柱制，即「文武生」、「小生」、「正印花旦」、「二帮花旦」、「丑生」、「武生」。呢啲都系根据角色嘅年纪、性别、性格、外型等特征嚟分类嘅。“末”代表年老角色。“生”代表男性角色。“旦”代表女性角色。“净”就系性格刚***躁嘅男性角色。“丑”就系滑稽角色。唱做念打:「唱」系指唱功，配合唔同嘅角色有各自唔同演唱嘅方式，包括平喉同子喉。平喉系平常说话嘅声调。子喉系比平喉调子高咗八度。大喉系使用粗犷声音。同时粤剧都会吸收唔同嘅地方嘅独特唱腔，例如来自福建嘅广东南音、木鱼、广东嘅本地民谣粤讴同板眼。「做」系指做功，即表演。当中包括手势、台步、走位、关目、做手、身段、水袖、翎子功、水发、抽象表演同传统功架等等。「念」系指念白，即念出台词。用说话交代情节、人物嘅思想感情。「打」系指武打，例如：舞水袖、水发、玩扇子、武刀弄枪、耍棍挥棒，舞动旗帜等等。音乐:粤曲嘅唱腔音乐主要分板腔、曲牌同歌谣三种。广东本地嘅戏曲音乐，应以说唱类嘅南音、木鱼、龙舟、板眼、粤讴等为主，因为呢个系根据广东话嘅语言特色组成，向语分平仄、句分上下嘅基础上，广东说唱类嘅唱腔，曲词句格必须分为两组上下句式，因为广东话分阴阳平，呢个同北方语系嘅阴阳平唔同，语音上有很大嘅差异。粤曲唱腔音乐嘅基本特色系板腔类，即梆子同二黄，俗称「梆黄」，即系同京剧嘅「皮黄」同类，所以粤剧都属于南北路嘅戏曲，即有南路「二黄」唱腔同北路「梆子」唱腔。粤曲嘅板腔原本系由外省传入，系由诗赞类嘅齐言滚唱方式发展出来，后来节以鼓板，由唔同板式引发唱腔嘅变化，故称「板式变化体」。板腔体、诗赞体戏曲唱腔同曲牌体戏曲唱腔最根本嘅唔同向板腔体同诗赞体戏曲唱腔没有固定嘅乐调旋律，旋律由曲词嘅语音决定，所以即使同系「慢板」或「中板」，可以因为曲词唔同，有唔同嘅音乐旋律。曲牌体戏曲唱腔却系先有乐调旋律，再填曲词，其中骨干音更不可修改，所以无论千百首同曲牌嘅曲，即使曲词唔同，但其分布之声调必然相同，否则唔同填一首小曲。粤曲嘅曲牌体可以分成多类，其中主要有昆弋曲牌，即传统戏曲曲牌，如「俺六国」〔即「***花」〕、「侥侥令」、「园林好」等。粤曲都有由民歌嘅戏曲变调，如出自昆腔剧目《思凡》嘅「朦胧」、「山坡羊」，本系民歌，但昆腔化后再传入粤曲之中。有古谱曲如《粧台秋思》；不过古谱中都有较为特殊嘅，如明代产生嘅《贵妃醉酒》，本为《西宫词》，向粤剧嘅起源时期已传入粤曲之中，唔似《粧台秋思》系二十世纪中才吸收入来。最特别嘅系一种民歌小调，如《寄生草》、《打扫街》（即《打枣杆》）、《剪剪花》（即《剪靛花》），呢啲曲本来系民间嘅齐言民歌，一如板腔，没有固定嘅旋律，由曲词嘅语音发展出唔同嘅旋律，其中由过序音限制其廻旋往覆嘅方式，一如板腔嘅「士字序」、「工字序」等。但系当唔同地区嘅人忘佚咗原来嘅唱法，呢啲曲子嘅旋律就被某一个旋律固定下来，成为小曲，呢个都系粤曲音乐中一个重嘅组成部分。其实呢类民歌现今中国尚有很多，如陜甘嘅《信天游》，北方嘅《艳阳天》等。行内习俗同术语梨园嘅来历:唐玄宗李隆基幼年即喜爱歌舞。6岁嘅时侯，曾经为佢嘅祖母武则天向宫院里即席表演歌舞节目《长命女》。因为表演精湛，所以博得在座嘅皇亲国戚同群臣们嘅赞赏。李隆基继位后，选定咗宫庭嘅一片梨园作为排练歌舞嘅场所，呢个就系梨园嘅来历。自此戏行内人人自称梨园子弟。戏桥:戏桥系开戏前派给观众嘅单张，作为介绍剧目之用。一般印上剧情嘅简介、编剧、导演、演员表等等。红船:十九世纪末至二十世纪初，粤剧戏班常向广州沿海巡回演出，为咗方便行程，向红船栖身。呢类戏班皆叫做红船戏班。红船船舱卧铺分配同工人职责都有规定，成为日后戏班嘅基础。一般来讲粤剧戏班分为本地班、外江班、本地外江班同过山班。爆肚:爆肚即系「即兴」，可解作即时嘅创作。演员根据演出时嘅感情，作出同剧本有出入或者冇经彩排嘅发挥。撞板:向演奏或者唱曲嘅时侯，节拍或者速度出现错误。由于粤剧好受中国香港人欢迎，“撞板”成咗形容“出错”嘅俗语。欲免向隅:因为戏棚系临时搭建嘅，观众席有好多竹柱，𠮶啲角落叫做隅。欲免向隅就系说避免竹柱阻碍视线。扎、叔父:称呼戏行长辈为“叔父”。“扎”意思系成名或晋升。呢两个词语同三合会嘅黑话相同。因为旧社会粤剧艺人奔走江湖，卖艺谋生，难免要同黑社会打交道。

参考:zh-yue.***/wiki/%E7%B2%B5%E5%8A%87&.geocities/musicproject_2001/